சரி, கிடைக்காட்டி போகட்டும் என்று இயக்குனரும் நடிகரும் இருந்துவிடலாம். ஆனால் தயாரிப்பாளரால் அப்படியிருக்க முடியுமா? கலெக்ஷனில் முப்பது சதவீதம் முழுசா போயிருமே என்று கவலைப்பட வேண்டியது அவரும் அடகு வைக்கப்பட்ட அவரது தோப்பு துரவுகளும்தானே? இந்த டாஸ்மாக் காட்சியை பற்றி சந்தோஷமாக வர்ணித்துக் கொண்டிருந்த ஜீவாவிடம் அங்கிருந்த பத்திரிகையாளர் ஒருவர், ஏன் சார். நீங்களாவது சொல்லி அந்த குடிக்கிற காட்சியை தவிர்த்திருக்கலாமே? என்று கேட்க, அதற்கு ஜீவா சொன்ன பதில்தான் ‘விளக்குமாறுக்கு பட்டுக்குஞ்சம்’ கட்டிய விளக்கம்.
இன்றைக்கு மூன்று நண்பர்கள் சந்திச்சா உட்கார்ந்து பேசுற இடம் டாஸ்மாக்குதான். நாங்க யதார்த்தம் என்னவோ அதைதானே சொல்லியிருக்கோம். நான் சமீபத்துல கோவிலுக்கு சாமி கும்பிட போயிருந்தேன். நானும் எவ்வளவோ படத்துல நடிச்சுருக்கேன். ஆனால் அங்கு என்னை சூழ்ந்துகிட்ட பக்தர்கள், ஸார்… மச்சி ஒரு குவார்ட்டர் சொல்லேன் டயலாக்கை சொல்ல சொன்னாங்க. வேற வழியில்லாமல் நானும் கோவில்னு பார்க்காம சொல்ல வேண்டியதாப் போச்சு. அந்தளவுக்கு இந்த டாஸ்மாக் கோவிலுக்குள்ளேயும் வந்துருச்சு என்று கூற, நிருபருக்கு பலத்த அதிர்ச்சி.
ஜீவா சேட், நீங்க உங்களோட ஜெயின் கோவிலுக்கு போய் அப்படியெல்லாம் சொல்லுவீங்களா என்று தொண்டை வரைக்கும் வந்த கேள்வியை அங்கேயே முழுங்கிவிட்டு நடையை கட்டினாராம். எல்லாம் நாகரீகம் தந்த நல்ல பளக்க வளக்கம்!
