மற்ற படங்களை விட விஜய் படத்தை முதலில் ரெடி செய்ய வேண்டிய கட்டாயத்திலிருக்கிறது படக்குழு. ஏன்? விஜய்யின் முந்தைய படத்திற்கு வரிவிலக்கு ஷோ என்ற சம்பிரதாயத்தை தாண்டுவதற்கே குடுமிப்பிடி கோதாவாகிவிட்டது. இன்னைக்கு நாளைக்கு என்று நாட்களை கடத்தி ஒருவழியாக வந்து சேர்ந்தது வரிவிலக்கு டீம். வந்தவர்களும் ஆளுக்கொரு அனல் உருண்டையை வீசிவிட்டு போக, தயாரிப்பாளருக்கு பத்து கோடிக்கும் மேல் நஷ்டம். வரிவிலக்கு இல்லையென்றால் அந்த படத்திற்கு முப்பது சதவீத டாக்ஸ் மண்டைக்குள் ஏறிவிடுமல்லவா?
இந்த முறை படத்தை அட்லீஸ்ட் பத்து நாட்களுக்கு முன்பாக முடித்தால்தான், ‘ஐயா… வரிவிலக்கு ஷோவுக்கு வாங்க’ என்றே அழைக்க முடியும். அவர்களும் இதோ அதோ என்று நாட்களை கடத்தி ரிலீசுக்கு முதல் நாளன்றாவது பார்ப்பார்கள். வரிவிலக்கு குழு என்ன பதில் சொல்கிறது என்பதை தெரிந்து கொள்ளாமல் விஜய் போன்ற கலெக்ஷன் ஹீரோக்களின் படத்திற்கு விலையே வைக்க முடியாது. அப்படி வாங்கினாலும் டாக்ஸ் பிடிப்பார்கள் என்று தெரிந்தால், கதி கலங்கிப் போவார்கள் விநியோகஸ்தர்கள். இவ்வளவு பிரிச்சனைகள் வரிசை கட்டி நிற்கிறதாம்.
நாளாக நாளாக நம்பிக்கையின் உச்சந்தலையில் நண்டுப்பிடி. பிடியை தளர்த்த புறப்பட்டு வா ஜில்லா….
