இந்த படத்தின் கதை குறித்து இயக்குனர் ஜெகதீஷின் உதவியாளர் ஒருவர் தனது ஃபேஸ்புக்கில் பதிவு செய்துள்ளதால் பெரும் பரபரப்பு ஏற்பட்டுள்ளது. படத்தின் முதல் காட்சியே உதயநிதி - நயன்தாரா திருமணத்தில் இருந்துதான் தொடங்குகிறதாம். கும்பகோணத்தில் உள்ள ஒரு கோவிலில் உதயநிதி - நயன்தாரா திருமணக்காட்சி படமாக்க உள்ளது.
திருமணத்திற்கு பிறகு இருவருக்கும் வரும் காதல், ஊடல், சச்சரவு, பிரச்சனைகளை இவைகளைத்தான் காமெடியாக சொல்லி கலக்க போகிறார்களாம். உதயநிதி - நயன்தாரா தம்பதிகளின் பிரச்சனையை தீர்த்து வைக்க வரும் நண்பனாக சந்தானம் நடித்துள்ளார். இதுதான் கதை என்று ஜெகதீஷின் உதவியாளர் ஆர்வக்கோளாறில் தனது ஃபேஸ்புக் பக்கத்தில் பதிவு செய்துள்ளார் என்று கூறப்படுகிறது. இந்த படத்தின் கதை வெளியானதால் இயக்குனர் ஜெகதிஷ் அதிர்ச்சி அடைந்துள்ளார். உதவி இயக்குனரை டிஸ்மிஸ் செய்துவிட்டதாக கூறப்படுகிறது.
இந்த படத்திற்காக இசையமைப்பாளர் ஹாரீஸ் ஜெயராஜ் நான்கு பாடல்களுக்குரிய டியூனை கம்போஸ் செய்துவிட்டாராம். மிக விரைவில் ஒலிப்பதிவு தொடங்கும் என கூறப்படுகிறது.
