இப்படி யார் யாருக்கோ டார்ச்சர் தருபவர், தன் சொந்த அப்பாவை சும்மாயிருக்க விடுவாரா? இவருக்கும் இவரது உடன்பிறப்பு ஜித்தன் ரமேஷுக்கும் அவ்வப்போது முட்டிக் கொள்கிறதாம் வீட்டில். இந்த உள் நாட்டு கலகத்தை கண்டு ஒன்றும் செய்ய முடியாமல் கையை பிசைகிறாராம் சௌத்ரி சார். ஜீவாவுக்கு ஓரளவுக்கு மார்க்கெட் இருக்கிறது. ஆனால் ஜித்தனுக்கு இல்லவே இல்லை. இந்த நிலையில் யார் ஒசத்தி என்கிற ஈகோ ஆட்டோமேடிக்காக கிளம்பி, ஆட்டோ ஆட்டென ஆட்டுவதால், வீட்டில் எந்நேரமும் கலவர மேகம் சூழ்ந்தபடியே இருக்கிறதாம்.
இந்த கிறுகிறுப்பு ஆணானப்பட்ட விஜய்யையும் விடுவதாக இல்லை. அதுதான் கொடுமை. ஜில்லாவில் ஜீவா ஒரு பாடலுக்கு விஜய்யுடன் ஆடியிருக்கிறார். இப்படம் வெளிவரும்போது தியேட்டர்களில் விஜய் கட் அவுட் வைக்கப்பட வேண்டும் என்பதற்காக மாவட்டம் தோறும் ஒரு தொகையை சவுத்ரி சார்பாகவும் அனுப்பிக் கொண்டிருக்கிறார்களாம். சில காம்பளக்ஸ் தியேட்டர்களில் வீரம் படமும் வெளியாவதால், அஜீத் கட் அவுட்டை விட விஜய் கட் அவுட் பெரிசா இருக்கணும் என்பதால் சவுத்ரியே இதில் நேரடியாக இறங்கி உத்தரவுகளை பிறப்பித்துக் கொண்டிருப்பதாக தகவல்.
ஏற்கனவே ‘உனக்கு அந்த இடம், எனக்கு இந்த இடம், ம்ஹும்…. அதெல்லாம் முடியாது. எனக்கு இந்த இடம்தான் வேணும்’ என்று அஜீத் விஜய் ரசிகர்கள் மோதிக் கொண்டிருக்க, நடுவில் ‘நம்ம கட் அவுட்டையும் பலமா வைங்க’ என்று உத்தரவு போட்டிருக்கிறாராம் ஜீவா. ஒரு பாடலுக்கு இந்த படத்துல நானும் ஆடியிருக்கேன்ல… ? அதனால்தான்… என்று அவர் காரணம் கூறினாலும், தம்பி… வேணாம்ப்பா. சண்டை அவங்களோட போகட்டும் என்கிறாராம். சவுத்ரி.
இந்த படத்தில் ஜீவா மாதிரி நானும்தான் பங்குதாரர். என் கட் அவுட்டும் அங்க தியேட்டர்ல இருக்கணும் என்று ஜித்தன் ரமேஷும் கிளம்பினால் என்னாவது என்று தவித்துக் கொண்டிருக்கிறார்கள் தியேட்டர் வட்டாரத்தில்.
உங்க ரெண்டு பேரோட கபடி மேட்சையும் விஜய் கிரவுண்டுலதான் ஆடிப்பார்க்கணுமா பிரதர்ஸ்…?
