பூஜை விமா்சனம் - poojai movie review

தாமிரபரணி படத்திற்கு பிறகு ஹாி இயக்கத்தில் விஷால்  நடித்திருக்கும் திரைப்படம் பூஜை. இதில் விஷாலுடன் முதன் முறையாக ஸ்ருதிஹாசன் ஜோடி சோ்ந்து கலக்கி இருக்கும் படம். மேலும் விஷால் சொந்தமாக தயாரித்திருக்கும் படம் என ஏகப்பட்ட எதிர்பார்ப்புகளோடு தீபாவளி விருந்தாக வந்திருக்கும் படம் தான் ”பூஜை”.

கூலிப்படையை நடத்திவரும் தாதா ஒருவனுக்கும், எதற்கும் துணிந்த தைரியசாலி ஹீரோவுக்கும் இடையே நடக்கும் மோதலில் யார் ஜெயிக்கிறார்கள் என்பதை ஆக்ஷன், காதல், காமெடி, சென்டிமென்ட் ஆகியவற்றை கலந்து சொல்லியிருப்பதே பூஜை.

கோயம்புத்தூரில் மிகப்பெரிய தொழிலதிபராக இருக்கும் ராதிகாவின் மகன் விஷால், பிரச்சனை ஒன்றின் காரணமாக குடும்பத்தைப் பிரிந்து சென்று, அவினாசி மார்க்கெட்டில் வட்டிக்குப் பணம் கொடுத்து தொழில் செய்து வருகிறார். ஒரு சந்திப்பின்போது விஷாலுக்கும், ஸ்ருதிஹாசனுக்கும் நட்பு ஏற்பட்டு, அது காதலாய் மாறுகிறது.

இன்னொருபுறம் அதே ஊரில் அறங்காவலர் பதவியில் இருந்து கொண்டே, மறைமுகமாக கூலிப்படையை நடத்தி வருகிறார் மனோஜ் திவாரி. அதோடு விஷால் குடும்பத்துக்கு சொந்தமான கோவில் நிலத்தையும் திட்டம்போட்டு பறிக்க முயல்கிறார். இதைத் தெரிந்து கொள்ளும் கோவில் நிர்வாகம் விஷாலின் சித்தப்பாவான ஜெயப்பிரகாஷை அறங்காவலர் பதவியை ஏற்றுக்கொள்ளும்படி சொல்கிறது. இதைத் தாங்க முடியாமல் மனோஜ் திவாரியின் ஆள் ஜெயப்பிரகாஷை தாக்க, மனோஜ் திவாரியின் வீடு புகுந்து அத்தனை பேரையும் அடித்து துவம்சம் செய்கிறார் விஷால்.

இதனால் அவமானமாகும் மனோஜ் திவாரி, விஷால் குடும்பத்தில் இருப்பவர்களை ஒவ்வொருவராக கொலை செய்யப்போவதாக சவால்
விடுகிறார். இந்த சவாலை விஷால் எப்படி சமாளிக்கிறார் என்பதே ‘பூஜை’.

படத்தில் விஷால் யதார்த்தமான நடிப்பை வெளிப்படுத்தியிருக்கிறார். மாஸ் ஹீரோவிற்கான அந்தஸ்தை அதிகப்படுத்தியிருக்கிறார். சண்டைக் காட்சிகளில் ஆக்ரோஷமாக நடித்திருக்கிறார்.

ஸ்ருதி, திவ்யாவாக நடிப்பிலும், இளமை துடிப்பிலும், 16 அடி, இல்லை இல்லை… 32 அடி பாய்ந்திருக்கிறார். அம்மணி காட்டுவது ஓவர் கிளாமர் என்றாலும் அது ஓவராக தெரியாதது ஸ்ருதியின் ப்ளஸ்!

சூரி, பிளாக் பாண்டி இவர்கள் செய்யும் காமெடி ரசிக்கும்படியாக அமைந்துள்ளது. குறிப்பாக சூரியின் காமெடி அருமை. ராதிகா அழகான
கதாபாத்திரத்தை ஏற்று திறம்பட செய்திருக்கிறார். சத்யராஜ் போலீஸ் கதாபாத்திரத்தை ஏற்று மொட்டை தலையுடன் மிரட்டுகிறார்.

ஆக்ரோஷமான காட்சிகளில் திறமையான நடிப்பை வெளிப்படுத்தியிருக்கிறார். அன்னதாண்டவம் வில்லத்தனத்தில் மிரட்டுகிறார்.

படத்திற்கு கூடுதல் பலம் யுவனின் இசை. இவருடைய இசையில் பாடல்கள் அனைத்தும் கேட்கும் ரகம். பின்னணி இசையிலும்

மிரட்டியிருக்கிறார். குறிப்பாக சத்யராஜுக்கு பின்னணி இசை அருமை. ஆண்ட்ரியா ஒரு பாடலுக்கு குத்தாட்டம் ஆடியிருக்கிறார்.

ப்ரியனின் ஒளிப்பதிவு, வி.டி.விஜயன்-டி.எஸ்.ஜாய் இருவரது படத்தொகுப்பு உள்ளிட்ட ப்ளஸ் பாயிண்ட்டுகள், ‘பூஜை’க்கு மாவிலை தோரணம்
கட்டியிருக்கின்றன.

ஹரியின் எழுத்து-இயக்கத்தில், ‘பூஜை’ படம் படு ஸ்பீடாக செல்வது, பூஜை படத்திற்கு மவுஸை கூட்டியிருக்கிறது.

ஆகமொத்தத்தில், விஷால்-ஹரி கூட்டணியின் ”பூஜை” – ”ஆர்டினரி பூஜை அல்ல, அசத்தும் அதிரடி ஆயுத பூஜை!”

tags: Poojai review, poojai movie review, poojai stills, poojai new stills, பூஜை விமா்சனம், பூஜை திரைவிமா்சனம், பூஜை ஸ்டில்ஸ், தமிழ் சினிமா செய்திகள், விஷால், ஸ்ருதிஹாசன், இயக்குநா் ஹாி

வடிவேலுவின் எலி நவம்பரில் தொடக்கம்

வைகை புயல் வடிவேல் கொஞ்சம் காலமாக சினிமாவில் இருந்து விலகி இருந்தாா். சமீபத்தில் வெளிவந்த தெனாலிராமன் படத்தின் மூலம் தமிழ் சினிமாவுக்கு ரீ-என்ட்ரி கொடுத்தாா். இந்த படத்தை இயக்கியவா் யுவராஜ். மீண்டும் இந்த கூட்டணியில் புதியதோரு படம் உருவாகயுள்ளது. ஆமாங்க! தெனாலிராமன் படத்தை இயக்கிய யுவராஜ் - வடிவேல் கூட்டணியில் எலி படம் தயாராக உள்ளது. 

வடிவேல் நடிக்கும் எலி படத்தின் படப்பிடிப்பு அடுத்த மாதம் தொடங்கவுள்ளதாக கூறப்படுகிறது. இப்படத்தின் கதை எழுதும் பணியை இயக்குனர் யுவராஜ் முடித்துவிட்டார். இந்த கதை வடிவேலுக்கு ரொம்பவும் பிடித்துப் போய்விட்டதாம். வடிவேலு இந்த படத்தில் உளவாளியாக நடிக்கிறாராம். 1960-களில் நடக்கும் கதையாக உருவாகவிருக்கிறது. முதல்கட்ட படப்பிடிப்பை சென்னையில் தொடங்கவுள்ளனர். தற்போது, வடிவேலுவுக்கு கதாநாயகி தேடும் பணி நடக்கிறது. மற்றும் பிற நடிகர், நடிகையர் தேர்வும் நடைபெற்று வருகிறது.

இப்படத்தை ஓஹோ பிக்சர்ஸ் சார்பில் ஜி.ராம்குமார் தயாரிக்கிறார். டி.இமான் இசையமைக்கிறார். கோபி அமர்நாத் ஒளிப்பதிவு செய்கிறார். தோட்டா தரணி கலையையும், ராஜா முகம்மது எடிட்டிங்கையும் கவனிக்கிறார்கள்.





tags: vadivelu, latest news, vadivelu news, vadivelu next movie news, vadivelu stills, vadivelu stills in singaravelan, vadivelu comedy stills, vadively movie stills, vadivelu reaction stills, shreya vadively stills, தமிழ் சினிமா செய்திகள், வடிவேலு, வடிவேல் செய்திகள்,

ஆபாச வீடியோவில் நானா? லட்சுமிராய் விளக்கம்

தமிழில் முன்னணி நடிகை ராய் லட்சுமியின் ஆபாச வீடியோ ஒன்றும் வெளியாகி திரையுலகை பெரும் பரபரப்பை ஏற்படுத்தியுள்ளது.

தாம்தூம், ‘முனி-2 காஞ்சனா’, ‘மங்காத்தா’,இரும்புக்கோட்டை முரட்டு சிங்கம், ‘அரண்மனை’ உள்ளிட்ட பல படங்களில் நடித்தவர் ராய் லட்சுமி. இவருடைய ஆபாச வீடியோ ஒன்று நேற்று முன்னணி இணையதளங்களில் வெளியாகி பெரும் பரபரப்பை ஏற்படுத்தியுள்ளது. இவரைப் பற்றிய வதந்திகள் லிவுட்டில் அவ்வப்போது வந்த வண்ணம் இருக்கின்றன. இவர், கிரிக்கெட் விளையாட்டு வீரர் தோனியுடன் காதலில் விழுந்தார் என்ற செய்தி கோலிவுட்டில் பரவி வந்தது. அதன்பிறகு, அது வெறும் வதந்தியே என்று அனைவருக்கும் தெரிய வந்தது.

இந்நிலையில், ராய் லட்சுமி பற்றி மேலும் ஒரு வதந்தி கிளம்பியுள்ளது. ராய் லட்சுமி தோற்றத்தில் உள்ள பெண் தனது மேலாடையை அணிவது போன்ற 20 நிமிட வீடியோ ஒன்று தற்போது இணையதளத்தில் பரவலாக உலவி வருகிறது. இதைப் பார்த்த அனைவரும் அந்த வீடியோவில் இருப்பவர் ராய் லட்சுமிதான் என்று கூறிவருகின்றனர். இது திரையுலக வட்டாரங்களில் அதிர்ச்சியை ஏற்படுத்தியுள்ளது.

இந்நிலையில், இதுகுறித்து ராய்லட்சுமியிடமே கேட்டபோது, “இதுவரைக்கும் அந்த வீடியோவை நான் பார்க்கவே இல்லை. ஆனால், அதனைப் பார்த்த நண்பர்கள் அந்த வீடியோவில் தோன்றும் பெண் என்னுடைய முகத்தோற்றத்தை கொண்டவர் போலவே இருக்கிறார் என்று கூறினார்கள்.

அதைவிட முக்கியமான விஷயம் என்னவென்றால், புத்திசாலித்தனமாக அந்த பெண்ணின் முகத்தை முழுவதுமாக அந்த வீடியோவில் காண்பிக்கவே இல்லையாம். அதுமட்டுமில்லாமல் அந்த பெண் திருமணமான பெண்கள் அணிந்திருப்பதுபோல காலில் மெட்டி அணிந்துள்ளார்.

என்னைப் போன்ற முக அமைப்பு கொண்ட ஒருவா் என்று கூறி சமாளித்து வந்தாலும், அந்த வீடியோவில் இருப்பது ராய் லட்சுமிதான் என்று பேஸ்புக், டுவிட்டா் மற்றும் வாட்ஸ் அப்பில் ஆயிரக்கணக்கானோா் கமெண்ட் அடித்துள்ளனா். மேலும் அந்த ஆபாச வீடியோவில் ராய் லட்சுமியுடன் இருப்பது பிரபல இயக்குநா் ஒருவா் என்றும் பலா் கமெண்ட் அடித்துள்ளதால் ராய் லட்சுமி அதிா்ச்சி அடைந்துள்ளாா். 

நான் நீண்டநாளாக சினிமாவில் இருக்கிறேன். இதுபோன்ற வதந்திகளை சமாளிக்க நான் தயாராக இருக்கிறேன். ஆனால், இந்த வீடியோவால்
முதல் முறையாக சிறிது பதற்றம் அடைந்துள்ளேன்” என்று கூறினார்.

tags: lakshmi rai news, lakshmi rai latest news, lakshmi hot stills, lakshmi rai new stills, தமிழ் சினிமா செய்திகள், ராய் லட்சுமி அடுத்த படம்,

குத்து நடிகை 2 மாதமாக மாயமா?

குத்து படத்தின் மூலம் தமிழ் சினிமாவில் அடி எடுத்து வைத்தவா் ரம்யா. அதனை தொடா்ந்து பொல்லாதவன், வாரணம் ஆயிரம் ஆகிய படங்களில் நடித்துள்ளார். கன்னடத்திலும் முன்னணி நடிகையாக இருந்தார்.


பின் நடிப்பதிலிருந்து விலகி கர்நாடக அரசியலிலும் குதித்தார். காங்கிரஸ் கட்சியில் இணைந்த இவருக்கு இளைஞர் காங்கிரசில் பொறுப்பு வழங்கப்பட்டது.

முதலில் மாண்டியா பாராளுமன்ற தொகுதி இடைத்தேர்தலில் காங்கிரஸ் சார்பில் போட்டியிட்டு வென்றார். பின் மீண்டும் ஆறு மாதங்களுக்கு பிறகு நடந்த பாராளுமன்ற தேர்தலில் அதே தொகுதியில் போட்டியிட்டு தோல்வி அடைந்தார். இந்த தோல்வியால் மனம் உடைந்தார். அரசியல் நிகழ்ச்சிகளில் பங்கேற்பதை தவிர்த்தார்.

‘ஆர்யன்’ என்ற கன்னட படத்தில் மட்டும் நடித்தார். அப்படம் ரிலீசாகி விட்டது. அடுத்து புனித் ராஜ்குமார் ஜோடியாக நடிக்க ஒப்பந்தமானார்.

பிறகு தயாரிப்பாளருடன் ஏற்பட்ட மோதலால் அந்த படத்தில் இருந்து வெளியேறினார். அதன் பிறகுதான் அவரை காணவில்லை என்கின்றனர்.

டுவிட்டரில் அடிக்கடி கருத்துக்களை பதிவு செய்வது வழக்கம். கடந்த ஆகஸ்டு மாதத்தில் இருந்து டுவிட்டரிலும் அவர் வரவில்லை.

அரசியல் நிகழ்ச்சிகள், சினிமா விழாக்கள் போன்றவற்றிலும் பங்கேற்கவில்லை. வீட்டிலும் அவர் இல்லை என்கிறார்கள். ரம்யா எங்கு சென்றார் என்ன ஆனார் என்பது மர்மமாக இருக்கிறது.

tags: ramya stills, ramya latest stills, ramya hot stills, ramya latest news, தமிழ் சினிமா செய்திகள், ரமயா லேட்டஸ்ட் செய்திகள்

Tollywood Actress Isha New Stills

Tag: Tollywood Actress Isha New Stills,  Isha Latest Hot Stills, Isha New Spicy Photos, Actress Isha Latest Photo Gallery,  Isha Hot,

அந்த போட்டோ பெரிய ஷாக்தான்: அனிருத்

ஏ.ஆர். ரகுமானுக்கு பிறகு முதல் படத்திலேயே எல்லா பாட்டும் ஹிட் கொடுத்து சாதனை படைத்தவர் அனிருத். இவர் தான் தற்போது தமிழ் சினிமாவில் முன்னனி நடிகர்களின் படங்களுக்கு இசையமைக்கிறார். ஒரு பக்கம் புகலும், மறுப்பக்கம் சர்ச்சையும், இவரை சுற்றி வருகின்றன.

ஆண்ட்ரியாவுக்கு இவர் முத்தம் கொடுத்த புகைப்படம் இணையதளத்தில் படுவேகமாக பரவி அதிர்ச்சியளித்தது நம் அனைவருக்கும் தெரியும். இது குறித்து அவரே சமீபத்தில் ஒரு பேட்டியில் விளக்கியுள்ளார்.

இதில் ” ’கொலவெறி வைரல்’னு இன்டர்நெட் மூலம் பிரபலமான இசையமைப்பாளர் நான். என்னை வளர்த்த அதே இன்டர்நெட் என் இமேஜை டேமேஜும் பண்ணுச்சு. எனக்கு அந்த போட்டோ பெரிய ஷாக்தான். ரொம்ப நொந்துட்டேன். எனக்கே அப்படின்னா, வீட்ல உள்ளவங்களுக்கு எப்படி இருக்கும்னு பார்த்துக்கோங்க. ஆனா, கடவுள் புண்ணியத்துல வீட்ல எனக்கு சப்போர்ட் பண்ணாங்க.

ரொம்ப ஆறுதலாப் பேசினாங்க. ரெண்டு நாள் உடைஞ்சுபோய் இருந்தேன். 'இது இன்டர்நெட் காலம். எதுவுமே ரெண்டு நாளைக்கு மேல பழைய மேட்டர்தான். நாளைக்கே வேற ஒரு விஷயம் வைரல் ஆச்சுன்னா, மக்கள் உன்னை மறந்துருவாங்க’னு மனசைத் தேத்திக்கிட்டு அடுத்த வேலையைப் பார்க்க ஆரம்பிச்சுட்டேன்.”என்று கூறியுள்ளார்.

கமல்ஹாசன் மருத்துவமனையில் அனுமதி

நடிகா் கமலஹாசன் தற்போது மலையாள பட ரீமேக்கான த்ரிஷியம் படத்தின் தமிழ் பதிப்பில் நடித்து வருகிறார். இதில் கமலஹாசன் மற்றும் நடிகர் கலாபவன் மணி கியோர் நடிக்கும் இந்த திரைப்படத்தின் படப்பிடிப்பு நெல்லை மாவட்டம் பாபநாச்ததி்ல நடைபெற்று வருகிறது.


இந்நிலையில் படத்தில் போலீஸ்காரராக நடிக்கும் கலாபவன் மணி, கமல்ஹாசனை தாக்குவது போன்ற காட்சி படமாக்கப்பட்டது. இதையடுத்து மூக்கில் அடிபட்டு வீங்குவதுபோல காட்சி முடிவு செய்யப்பட்டிருந்தது. இதற்காக மூக்குக்குள் ரப்பர் துண்டு வைக்கப்பட்டது.

இந்நிலையில் படப்பிடிப்பில் நடந்த ஒத்திகையின்போது நடிகர் கலாபவன் மணி அடித்த போது கமலஹாசனுக்கு திடீரென மூச்சுத்திணறல் ஏற்பட்டது.

இந்த காட்சியில் கமல் நடித்துக்கொண்டிருந்தபோது எதிர்பாராதவிதமாக ரப்பர் துண்டு மூக்கிற்கு உள்பக்கமாக சென்று சிக்கிக்கொண்டது. இதனால் அவருக்கு மூச்சு திணறல் ஏற்பட, உடனடியாக அவரை தொடுபுழாவில் உள்ள தனியார் மருத்துவமனையில் அனுமதித்தனர். எண்டாஸ்கோபி மூலம் ரப்பர் துண்டு அகற்றப்பட்டது.

இதை தொடர்ந்து திரையுலக பிரபலங்கள் பலரும் இந்த செய்தியை அறிந்து அதிர்ச்சியாகினர். பின் அவர் நன்றாக இருக்கிறார் என்று தெரிவித்ததும் தான் பரபரப்பு அடங்கியது.

tags: kamalhasan news, tamil cinema news, kamal news. kamal latest news, kamal stills.தமிழ் சினிமா செய்திகள், கமல்ஹாசன், கமல் ஆஸ்பத்திாியில் அனுமதி

கோபத்தில் சந்தானத்தை திட்டிய பிரபல டைரக்டா்

 
இந்த வாரம் இரண்டு முன்னனி வார இதழ்களில் சந்தானத்தின் பேட்டி வெளியாகி இருந்தன. அதில்  சந்தானமும், ரஜினியும் இருக்கும்
புகைப்படங்கள் இடைச்சொறுகலா வெளியாகி இருந்தன.  பிரத்யேமாக சந்தானத்திடம் வழங்கப்பட்ட லிங்காவின் புகைப்படங்களை படத்தின்
இயக்குனர் கே.எஸ். ரவிக்குமாரிடம் அனுமதி வாங்காமல் அவர் பிரஸ்க்கு வெளியிட்டுவிட்டாராம். இதனைத்தொடர்ந்து இந்த வாரம் வெளியான  வார இதழ்களில் அந்த ஸ்டில்கள் வெளியிடப்பட்டிருந்தன. இதற்காக பல்வேறு தரப்பில் இருந்த சந்தானத்திற்கு பாராட்டுகள் குவிந்தன. அதேநேரம் கடும் கோபமமைடந்தத கே.எஸ்.ரவிக்குமார் தனிப்பட்ட முறையில் அர்ச்சனையையும் அனுப்பி வைத்தாராம்.

இந்த நேரத்தில் இன்னொரு சம்பவம் ஞாபகப்படுத்த வேண்டியுள்ளது. லிங்கா படத்தில் ராதாரவியும் ஒரு முக்கிய கேரக்டரில் நடிக்கிறார். அவரிடம் ஒரு பிரபல நாளிதழ் நிருபர் பேசிக்கொண்டிருந்த போது லிங்கா குறித்து  நிறைய விஷங்களை பகிர்ந்து கொண்டுள்ளார். அப்போது சூட்டிங் ஸ்பாட்டில் செல்போன் மூலம் எடுக்கப்பட்ட புகைப்படங்களை நிருபரிடம் அவர் காட்டியிருக்கிறாராம்.  அண்ணே ,,, இந்த படத்தில் ரஜினி எவ்வளவு இளமையாக இருக்கிறாா் அதனை கொடுத்தால் மக்களுக்கு காட்டிடலாம் என்று  நிருபர் கேட்டாரம். ஆனால் இயக்குனரின் அனுமதி இல்லாமல் கொடுக்க முடியாது என்று மறுத்துவிட்டாராம். இதுதான் மூத்த நடிகர்களுக்கும். இளைய நடிகர்களுக்கும் உள்ள வித்தியாசம்..

Tags: santhanam news, santhanam latest news, K.S.Ravikumar, director K S. Ravikumar news,  சந்தானம், கே.எஸ்.ரவிகுமாா், தமிழ் சினிமா செய்திகள்

என் கெட்ட பெயரை மாற்றுவேன்! சத்தியம் செய்கிறார் சாமி!

‘உயிர்’, ‘மிருகம்’, ‘சிந்து சமவெளி’ போன்ற  சர்ச்சைப் படங்களுக்குப் பெயர் பெற்ற சாமி ‘நல்ல பிள்ளை’யாக மாறி இயக்கும் படம் ‘கங்காரு’.

பரபரப்புக்காக முறையற்ற உறவுகளைச் சித்தரிக்கிறார் என்கிற விமர்சனம் சாமியைத்  துரத்தி வருகிறது. சாமி படம் என்றால் இப்படித்தான் இருக்கும் என்று முத்திரை குத்தப்பட்டு அவரை விடாமல்  தொடர்ந்து  வருகிறது.’நான் அப்படிப்பட்ட இயக்குநரல்ல. ஆளை விடுங்கப்பா சாமி’ என்று வேறு பாதையில் பயணிக்கத் தொடங்கியிருக்கிறார் சாமி.

இதுவரை பாலுணர்வை உயர்த்திப் பிடித்ததாக சர்ச்சைக்குள்ளான சாமி இப்போது பாசவுணர்வை தூக்கிப்பிடிக்கிறார். அதுதான் ‘கங்காரு’

எப்படி ஒரு கங்காரு தன் குட்டியை வயிற்றுப் பையில் சுமக்கிறதோ அப்படி தன் தங்கையை மார்பிலும் தோளிலும் சுமக்கும் அண்ணனின் கதைதான் கங்காரு என்கிறார் சாமி.

தன்மீது விழுந்த முத்திரை பற்றி அவர் என்ன நினைக்கிறார்?

”நானும் பெரிய பெரிய இயக்குநர்கள் மாதிரி விதவிதமான கதைகளில் ரகம் ரகமான நிறங்களில் புதுப்புது படம் இயக்க வேண்டும் என்று நினைத்துதான் இங்கு வந்தேன். ஆனால் நினைத்தமாதிரி இங்கே நிலைமை இல்லை.யாரும்  என்னைக் கண்டு கொள்ளவில்லை.  என்மீது கவனமும் மற்றவர் பார்வையும் படவேண்டும் என்று நினைத்தேன். அதனால்தான் ஒரு பரபரப்புக்காக இப்படிப்பட்ட படங்களை இயக்கினேன். நான் கவனிக்கப்பட்டேன். ஆனால் பெயர் கெட்டு விட்டது. சாமி இப்படிப்பட்ட ஆசாமி என்று பேச ஆரம்பித்துவிட்டார்கள்.

என் படங்களை விமர்சித்தவர்கள் கூட சாமி அழுத்தமாகக் கதை சொல்லத் தெரிந்தவன் என்பதை ஒப்புக் கொள்ளவே செய்தார்கள். அழுத்தமாகச் சொல்லத் தெரிந்ததால்தான் இவ்வளவு விமர்சனங்கள் வந்தன என்றும் என் நண்பர்கள் சொல்வதுண்டு.

எது எப்படியோ அது என்  தவறுதான்.  பெயர் கெட்டுவிட்டது. மாற்ற வேண்டும். இனி நான் வேறு சாமி.இந்த சாமிக்குள் நிறைய கனவுகள் படைப்புகள் உள்ளன. அதற்குள் என்னை இப்படி தவறான முத்திரை குத்தி குறுகிய வட்டத்துக்குள் போட்டு அமுக்கி விட வேண்டாம். இந்த கெட்ட பெயரை மாற்றவேண்டும். துடைத்தெறிய வேண்டும் என்கிற நோக்கத்தில்தான் இப்போது ‘கங்காரு’ எடுக்கிறேன். இதன் மூலம் என் கெட்ட பெயரை  மாற்றுவேன்.இந்தப் படம் நிச்சயம் என் பெயரை மாற்றும் . ”என்கிறார்.

சாமி பற்றி விமர்சனங்கள் இருக்கலாம். ஆனால் அவர் தமிழ்ச்சினிமாவின் தவிர்க்க முடியாத இயக்குநர் என்று வைரமுத்து கூறியுள்ளாரே?

“கவிப்பேரரசு வைரமுத்து சார் பற்றி நான் இங்கு சொல்லியே ஆகவேண்டும்.அவர் இருக்கிற உயரத்துக்கு என்னைப்பற்றி புகழ்ந்து பேச அவசியமில்லை. அவர் அப்படிப் பட்ட மனிதரும் அல்ல.

அவர் பாடல் எழுத வேண்டும் என்று நான் விரும்பி அவரைச் சந்தித்தேன். வைரமுத்து அவர்களை அணுக எனக்கு பயமாக இருந்தது. அவருக்கு சம்பளம் எப்படியோ என தயக்கம். ஸ்ரீநிவாஸ் மூலம்தான் அவரிடம் போனோம். நம் படத்தின் பட்ஜெட்டுக்கு அவர் வாங்கும் சம்பளத்தைக் கொடுக்க முடியுமா என்று பயந்தேன். எனவே யோசித்தேன். கதை கேட்டார் சொன்னேன். சம்பள விஷயம்பற்றி தயங்கிக் கேட்டதும்எங்கள் பட்ஜெட் நிலையறிந்து  எழுதிக் கொடுத்தார்.. தன் 5 பாடல்கள் மூலம் படத்துக்குப் பலம் சேர்த்துவிட்டார். எனக்குப் பணம்  முக்கியமில்லை என்று குறைத்துக்கொண்டு எங்கள் பட்ஜெட்டுக்குள் வாங்கிக் கொண்டார்.

அவரிடம் பேசியபோது தானுண்டு தன் வேலையுண்டு என்று அவர் யோசிக்க வில்லை.என்னைப்பற்றி என் படத்தைப் பற்றி படப்பிடிப்பு பற்றி பட்ஜெட்பற்றி சினிமாவின் இன்றைய தொழில் சூழல்பற்றி படைப்புச் சூழல் பற்றியெல்லாம் பேசினார். அவரிடம் நான் நிறைய கற்றுக் கொண்டேன். நம் சினிமாபற்றி உலக சினிமா பற்றி எல்லாம்  நிறைய பேசினார். நான் வியப்புடன் கேட்டுக் கொண்டு இருந்தேன்.

ஒரு பாடல் உருவாகும்போது அவர் எடுத்த அக்கறை சாதாரணமானதல்ல. ஒலிப்பதிவுக்கு வந்தார். உன்னிப்பாகக் கவனித்தார். வரிகளைப் பாடிக் காட்டினார்.அவருக்கு இருக்கும் வேலைகளில் அவர் இருக்கும் உயரத்தில் இதெல்லாம் அவருக்கு அவசியமில்லை. இருந்தாலும் செய்தார்.அதுதான் அவரது தொழில் நேர்த்தி.அதனால்தான் அவர்  இவ்வளவு காலம் கடந்தும் இன்றும் நிற்கிறார்.

படத்தில் வரும் பாடல் காட்சிகளை யார் யார் எல்லாம் எந்தெந்த விதத்தில் எல்லாம் சிறப்பு சேர்க்க முடியும் என்று அவர் விளக்கியதும் எனக்குள் பல ஜன்னல்கள் திறந்த உணர்வு.

‘கங்காரு’ பாடல்கள் இப்போதே வெற்றிபெற்று விட்டன. படம் வந்ததும் மேலும் பட்டையைக் கிளப்பும் அவருக்கு இன்னொரு தேசியவிருது நிச்சயம்.
இத்தனை நாள்  வைரமுத்து சாரை சந்திக்கவில்லையே என வருத்தப் பட்டேன். அவர் எனக்கு சினிமா குருநாதர் ஆகிவிட்டார். இனி என் எல்லாப் படங்களுக்கும் அவரிடம் ஆலோசனை கேட்கலாம் என்றிருக்கிறேன்.” என்று  நீ ஈஈஈளமாக வைரமுத்துவுடனான  நினைவுகளில் மூழ்கியவரை அடுத்த கேள்வி கேட்டு மீட்டோம்.

மற்ற சிறப்புகள் என்னென்ன?

”இசையமைப்பாளர் புதிதாகத் தேடிய போது ஒரு நண்பர் மூலம் ஸ்ரீநிவாஸ் அறிமுகமானார். அவரை ஒப்பந்தம் செய்யும் முன்பே மெட்டு போட்டுக்காட்டி என்னைக் கவர்ந்தார். ஒப்பந்தம் செய்து விட்டோம்.

இதில் நாயகனாக நடிக்கும் அர்ஜுனாவை நான் ஏற்கெனவே ‘மிருகம்’ படத்துக்காக பார்த்திருந்தேன். ஆனால் ஆதியை நடிக்க வைத்தேன். இந்தக் கதைக்குப் பொருத்தமாகத் தோன்றியதால் அர்ஜுனாவை நடிக்க வைத்துள்ளேன். அதேபோல தங்கையாக வரும் ஸ்ரீபிரியங்கா, வர்ஷா அஸ்வதி, தம்பிராமையா, கலாபவன் மணி, கஞ்சா கருப்பு, ஆர். சுந்தர்ராஜன் எல்லாரையுமே கதைக்காக தேர்வு செய்து நடிக்க வைத்தேன்.நடிகர்களுக்காக நான் என்றும் கதை செய்ய மாட்டேன். ” என்கிறார்.
அண்ணன் தங்கை பாசமெல்லாம் காலம் கடந்தது என்பார்களே..?
“நம் மண்ணில் இன்னமும் ஈரமும் பாசமும் வற்றிப்போய் விடவில்லை. இன்னமும் பாசமலர் அண்ணன் தங்கைகள் இருக்கவே செய்கிறார்கள். அம்மா பிள்ளை பாசமும் இருக்கவே செய்கிறது. இதற்கு ஏராளமான நிஜக்கதைகள் இருக்கின்றன.

‘கங்காரு’ நவீன பாசமலர் என்று சொல்வேன். நிச்சயம் இது பேசப்படும். பாராட்டப்படும் எதுவும் மிகையில்லாதபடி சொல்லி இருப்பது நிச்சயம் எல்லாருக்கும் பிடிக்கும்.

முந்தைய படங்கள் பற்றி என் அம்மாவே என்னைத் திட்டியிருக்கிறார். ‘இனியாவது ஒழுங்காக நல்ல மாதிரியாக படம் பண்ணு ‘என்று .அந்த அம்மாவே பாராட்டும்படி இப்படம் இருக்கும். “என்கிறார்.

இது வரையிலான சாமியின் பிம்பத்தை இப்படம் நிச்சயம் உடைக்கும் என்பது அவரது பேச்சிலிருந்து புரிகிறது.’கங்காரு’ படம் வரட்டும்.

ஐயப்பசாமி மாலை போட்டவராக திருந்திய’நல்ல’சாமிக்கு வாழ்த்துக்கள்!

கத்தி படத்தில் விஜய் சிறை கைதியா?

 

விஜய் - முருகதாஸ் கூட்டணியில் உருவாக்கி வரும் படம் கத்தி. இதில் விஜய்க்கு ஜோடியாக சமந்தா நடிக்கிறாா். இந்த படத்தின் படபிடிப்பு இறுதி கட்டத்தை நெருங்கியுள்ளது. கத்தி படமானது விஜய் ரசிகர்கள் ஆவலோடு எதிர்பார்த்து கொண்டிருக்கும், இந்த படம் தீபாவளிக்கு விருந்தாக வெளிவரவிருக்கிறது. இந்த படம் பற்றி தற்போது ருசிகர தகவல் ஒன்று வந்துள்ளது. இப்படத்தில் விஜய், கைதியாக சிறையில் இருப்பது போல் ஒரு போஸ்டர் வந்துள்ளது. இந்த போஸ்டர் பார்த்ததும் ரசிகர்கள் படத்தில் விஜய் மக்களுக்கு ஆதரவாக போராட்டம் நடத்தி, பின் தண்டனையை அனுபவித்து, கிளைமேக்ஸில் சிறையில் இருந்து வெளிவருவார் இதுதான் கத்தி படத்தின் கதை என்று இணைய தளத்தில் செய்திகள் பரப்பி வருகின்றனர். இது எந்தளவுக்கு உண்மை என்பதை நாம் திரையில் தான் காண வேண்டும். இந்த புகைப்படத்தை படக்குழு அதிகாரப்பூர்வமாக வெளியிடவில்லை. யாரோ சில விஷமிகள் ட்ரைலரில் இருந்து ஸ்கீரின் ஷாட் எடுத்தது போல் உள்ளது.


 tags: kaththi news, kaththi latest news, kaththi movie stills, vijay news, vijay latest news, samantha news, samantha latest stills, kaththi news stills, kaththi review, kaththi preview, கத்தி ஸ்டில்ஸ், கத்தி லேட்டஸ்ட் ஸ்டில்ஸ், கத்தி விமா்சனம்,விஜய், சமந்தா, முருகதாஸ்

Shruti Hassan in Black Saree Photos

Shruti Hassan in Black Saree Photos ,Shruti Hassan in Black Saree Stills,Shruti Hassan Latest Hot Stills, Shruti Hassan Latest Stills, Shruti Hassan,

வீரம் சிவா இயக்கத்தில் அஜித் நடிக்கும் படத்துக்கு தயாரிப்பாளர் கிடைப்பதில் சிக்கல்?

வீரம் படத்துக்கு பின் அஜித் கௌதம் மேனன் இயக்கத்தில் நடித்துவருகிறார் என்பது நமக்கு தெரிந்ததே. பெயரிடப்படாத அந்த படத்தின் படப்பிடிப்பு கிட்டத்தட்ட இறுதி கட்டத்தை எட்டியுள்ளதாக கூறப்படுகிறது. இந்நிலையில் அஜித்தின் 56வது படத்தை வீரம் சிவ இயக்குவது கிட்டத்தட்ட உறுதியாகியுள்ளது. மற்ற தொழில்நுட்பக் கலைஞர்கள் பட்டியலும் ரெடியாகிவிட்டதாம். ஆனால் இப்படத்துக்கு இப்போது புதிய சிக்கல் சரியான தயாரிப்பாளர் அமையவில்லையாம். அஜீத் படத்தைத் தயாரிக்க வேண்டுமென்றால் குறைந்தது 70 கோடியாவது வேண்டும் என்ற நிலை. காரணம் அவர் சம்பளம் மட்டுமே 50 கோடியைத் தொடுகிறது. வரி செலுத்தியது போக, முழுவதும் வெள்ளையாகத்தான் வேண்டும் என்பது அவர் போடும் முதல் நிபந்தனை. தயாரிக்க முன் வந்த பிவிபி சினிமாஸ் ஏற்கெனவே சில சிக்கல்களில் இருப்பதால், வேண்டாம் என்று கூறிவிட்டாராம் அஜீத். நல்ல தயாரிப்பாளர் தேடிக் கொண்டிருக்கிறார் இயக்குநர் சிவா.

Rakul Preeth Singh Latest Photos

Rakul Preeth Singh Latest Photos, Actress Rakul Preeth Singh Latest Stills, Rakul Preeth Singh Latest Hot Stills, Rakul Preeth Singh Latest Photos, Rakul Preeth Singh Spicy Stills,