ஆர்யா நடிக்கும் அடுத்த படத்தில் நடிக்க ஸ்ருதியுடன் தொடர்பு கொண்டபோது கால்ஷீட் இல்லை என்று கூறிய ஸ்ருதி, தற்போது விஷாலுடன் நடிக்க வந்த வாய்ப்பை மறுக்கவில்லை. இதற்கு என்ன காரணம் என்று தெரியாமல் குழம்பி வருகின்றனர் கோலிவுட் கிசுகிசு ஆய்வாளர்கள்.
ஹரியின் ஆக்ஷன் திரைக்கதையை பார்த்து அசந்துபோன விஷால் உடனே அவரிடம் தானே இந்த படத்தை தயாரிப்பதாக கூறிவிட்டார். எனவே இந்த படத்தின் வேலைகளை உடனே தொடங்க உள்ளனர். ஜனவரி 14ஆம் அதிகாரபூர்வமான அறிவிப்பு பத்திரிகைகளில் வெளிவரும் என்றும், படத்தை அக்டோபர் 23, 2014அன்று அதாவது தீபாவளியன்று திரையிட முடிவு செய்துள்ளார் விஷால்.
ஸ்ருதிஹாசன் விஷாலுடன் நடிப்பதை உறுதி செய்துள்ளார். டுவிட்டரில் இதை அறிவித்துள்ள அவர், விஷாலுடன் இணைவதில் மிகவும் மகிழ்ச்சி அடைந்துள்ளேன். தற்போது நடித்துக்கொண்டிருக்கும் Race Gurram என்ற தெலுங்கு படத்தின் படப்பிடிப்பு முடிந்துவிட்டது என்றும் இந்த படத்தில் அல்லு அர்ஜூனுடன் நடித்தது ஒரு மறக்கமுடியாத அனுபவம் என்றும் அவர் மேலும் குறிப்பிட்டுள்ளார்.
