பந்தா இல்லாத நடிகை என்ற பெயரைப் பெற்று மனீஷாவுக்கு அடுத்தடுத்து நல்ல வாய்ப்புகள் வருகின்றன.
சமீபத்தில் இவர் நடித்த ஆதலால் காதல் செய்வீர் படம் நன்றாகப் போனது. நல்ல பெயரையும் பெற்றுத் தந்தது.
அடுத்து ஜன்னல் ஓரம் படத்தில் நடித்தார். இப்போது பட்டயக் கெளப்பணும் பாண்டியா படத்தில் நடித்து வருகிறார்.
இப்போது லிங்குசாமி தயாரிக்க, சீனு ராமசாமி இயக்கத்தில் விஜய் சேதுபதி,விஷ்ணு நடிக்கும் இடம் பொருள் ஏவல் படத்தில் நாயகியாக நடிக்க ஒப்பந்தமாகியுள்ளார் மனீஷா.
மனிஷாவைப் பொருத்தவரை இது பெரிய திருப்பு முனைதான். படப்பிடிப்பு கொடைக்கானலில் மார்ச் மாதம் தொடங்குகிறது.
