தமன்னாவும், பாலிவுட் ஹீரோயின் இஷா குப்தாவும் நெருக்கமான தோழிகள் ஆயினர். ஹீரோயின்களுக்கு இடையே நட்பு என்பது அத்திபூத்ததுபோல்தான். படங்களில் நடிக்கும்போது சந்தித்தாலும் காட்சி முடிந்தவுடன் முகத்தை திருப்பிக் கொண்டு சென்றுவிடுவார்கள். கடந்த சில மாதங்களுக்கு முன் வரை த்ரிஷாவும், நயன்தாராவும் கீறியும் பாம்புமாக இருந்தனர். சமீபத்தில்தான் இருவரும் மனம் ஒத்த தோழிகளாக மாறினர். இந்த நிலைமை பாலிவுட்டிலும் எதிரொலிக்கிறது. சக ஹீரோயின்களை சரமாரியாக விமர்சிப்பது சகஜம். கோலிவுட்டிலிருந்து பாலிவுட்டுக்கு கவனத்தை திருப்பி இருக்கும் தமன்னாவுக்கும் நெருக்கமான பாலிவுட் தோழிகள் யாரும் அமையவில்லை.
ஹம்ஷகல்ஸ் என்ற படத்தில் தமன்னா நடித்து வருகிறார். இதில் மற்றொரு ஹீரோயினாக இஷா குப்தா நடிக்கிறார். தற்போது இருவரும் நெருக்கமான தோழிகள் ஆகிவிட்டனர். ஷூட்டிங் முடிந்தவுடன் ஷாப்பிங், ரெஸ்டாரன்ட் என்று ரவுண்ட் செல்கின்றனர். ஷூட்டிங்கில் இருவரும் இருந்தால் அரட்டை கச்சேரி நடத்துகிறார்கள். காட்சி முடிந்ததும் அருகருகே அமர்ந்து இடைவிடாமல் பேசுவதுடன் பேஸ்புக்கில் வரும் ஜோக்குகளை பரிமாறிக்கொள்கிறார்கள்.
அவர்கள் இருக்கும் இடத்தில் பலமாக சிரிப்பு சத்தம் கேட்கிறது. இஷாவுடன் கட்டிப்பிடித்து போட்டோ எடுத்துக்கொண்ட நெருக்கமான ஸ்டில்லை சமீபத்தில் தனது இணைய தள பக்கத்தில் வெளியிட்டார் தமன்னா.
